Brioni მდიდრული, პრემიალური ბრენდია, რომელიც 1945 წელს, რომში დაარსდა და დღესდღეობით, მამაკაცის სამოსის განხრით, მსოფლიოს ყველაზე პრესტიჟულ მოდის სახლად მიიჩნევა.

Brioni ავითარებს და იტალიაში აწარმოებს ყოველდღიური მოხმარების სარტორიულ (შეკვეთით დამზადებული) სამოსს, ტყავის ნივთებს, ფეხსაცმელებს და სათვალეებს. ბრენდის პირველი მაღაზია ქალაქ რომის გულში — ბარბერინის ქუჩის #79-ში გაიხსნა და მომხმარებლებს ექსკლუზიური მასალების სელექციით, უნაკლო სტანდარტით შესრულებული პერსონალიზებული სამოსი, ხელნაკეთი ფეხსაცმელები და აქსესუარები შესთავაზა.
სულ მალე, Brioni-ს აკავშირებენ მაღალ სოციალურ სტატუსთან — გამორჩეული ჯენტლმენის ცხოვრების სტილთან ასოცირდა: მისი მაღაზიის რიგებში საზოგადოების ყველაზე ცნობილ და გავლენიან წევრებს ნახავდით — ჰოლივუდის ვარსკვლავებით დაწყებული, სახელმწიფო მეთაურებით დასრულებული, სხვებთან ერთად ელოდნენ ბრენდის არტიზან თერძებს, მათ მიერ შექმნილი სამოსი რომ მოერგოთ.