Not Chosen

Tiziana Terenzi-ს კოლექცია „კლასიკის“ (Classic Collection) შავ ფლაკონში მოქცეული სურნელოვანი ქმნილების — Foconero-ს („ფეიერვერკი“) შთაგონება იტალიის ერთ-ერთ უმშვენიერეს ყურეში მოგზაურობაა: ისტორიით და პოეზიით, მუსიკით და ტრადიციებით აღსავსე ადგილი, რომელიც თავისი მარადიული, თითქმის განმაიარაღებელი სილამაზის დამსახურებით, ყოველ მოგზაურს აჯადოებს და ნოსტალგიურ მიზიდულობას აღუძრავს.

პარფიუმერების — პაოლოსა და ტიციანას მომდევნო სურნელოვანი გაჩერება ჯადოსნურ, ველურ, უმშვენიერეს მიწას აღწერს, რომელიც, წინააღმდეგობებით და სისუსტეებით, ამავდროულად — ძალითა და გულუხვობითაა აღსავსე; ისევე, როგორც მისი შთაგონებით შექმნილი დახვეწილი არომატი: სორენტოს ყურეში ნაოსნობისას, ლამაზ, მსოფლიოში უნიკალური მახასიათებლების მქონე კუნძულებს ათვალიერებდნენ, როდესაც, უცერად, საიდანღაც, კაპრის სილუეტი ამოიზარდა და ოდნავ მოშორებით, პროჩიდა და მისი ლეგენდარული მეზობელი — კუნძული ისკია მოჰყვა.

მრავალსაუკუნოვანი ტრადიციების, ინტენსიური, თამამი არომატებისა და ზეციური, ღვთაებრივი სურნელების მიწის — იტალიის სანაპიროების მარილით გაჟღენთილ ჰაერში, მანქანით მოგზაურობისას გატარებული გრილი საღამოების ამსახველი სუნამო — Foconero, კუნძულ ისკიაზე, პუნტა კარუზოში, ზაროს კლდის მწვერვალზე დანთებული კოცონის ბნელ ღამეში მოგიზგიზე ალის ეცმოციებს მოიცავს, ზღვაში მკვეთრად დაშვებულ კლდეებთან ერთად, ყურეს რომ დასცქერიან.

ღამის წყვდიადის უკუნეთ სიბნელეს მხოლოდ კოცონის ციმციმი ანათებს, ბუნებაში გამეფებულ სამარისებურ სიჩუმეს კი — ხის ფისის ხეთქვის ხმა არღვევს; გრილი, სურნელოვანი ქარი ამოვარდება და პაოლოს და ტიციანას ხმელთაშუა ზღვის მშვენიერებით და ისტორიით სავსე ბუჩქნარის არომატებს დაუბერავს. სწორედ იმ დროს შეიგრძნობა პირველად სორენტოს განთქმული ციტრუსების — ლიმონის, ბერგამოტის და ფორთოხლების ნოტები, რომელთაც, ღვიის კენკრის და ინგლისური ლავანდის ფონზე, პიკანტური ქონდარი უპირისპირდება.

ძლიერად ფეთქავენ გულის დახვეწილი ნოტები: დაუმორჩილებელ ილისთან და ტკბილ თეთრ მუშკთან (იგულისხმება სინთეტიკური მუშკი) ოსტატურად დაწყვილებული ძვირფასი ყვავილები — ილანგ ილანგი და ჰიაცინტი (იგივე სუმბული: შროშანისებრთა ოჯახის მრავალწლოვანი ბოლქვიანი მცენარე). არომატის სურნელს ზღვის მარილის მინიშნებები ერწყმის და უნიკალური სიგრილის შეგრძნებებს აღძრავს. მარილის ნოტებს თანდათან აძლიერებს მუხის ხავსთან შერწყმული ძლიერი მერქნოვანი ნოტები — სანდალი, კუბური კედარი და ძვირფასი წითელი პაჩული.

Tiziana Terenzi-ს Foconero დახვეწილი სუნამოა, რომელიც ხელში აგიტაცებთ და თავისი გრილი და გულუხვი, თუმცა, ამავდროულად, თბილი და კეთილი არომატის ყოვლისმომცველი, გემრიელი ნოტებით, ზღვის ზედაპირზე გადაგაფრენთ. ეს მგრძნობიარე, მომხიბლავი სურნელოვანი ქმნილება, თავისი მარტივი მშვენიერებით, ბუნების და ტიციანასა და პაოლოს თვალწარმტაცი მიწის უკიდეგანო სილამაზეს ეხმიანება; მისი ძვირფასი ფლაკონი კი სორენტოს ყურეში გატარებული ღამის ემოციების მცველად გვევლინება — ჩრდილო-დასავლეთის მლაშე ქარით დაწყებული, ფონად O Sole Mio-ს (ნეაპოლიტანური სიმღერა) განთქმული ჰანგებით დასრულებული…

ატარეთ Foconero დახუჭული თვალებით, რათა საკუთარი შინაგანი სილამაზე აღმოაჩინოთ!

…

Tiziana Terenzi-ს თმის თერაპიის სურნელოვანი ნისლი მოვლის უახლესი პროდუქტია, რომელიც ბრენდის მოწინავე ლაბორატორიებში, წლების განმავლობაში წარმოებული კვლევების და განვითარების კვალდაკვალ შემუშავებული რევოლუციური მეთოდის საფუძველზე შეიქმნა. მისი სასიამოვნო სურნელი თმას ბუნების რეგენერაციული მოფერებით მოეფინება.

ფიტოკერატინის და ქერტლის საწინააღმდეგო ნივთიერების შემცველობით, Tiziana Terenzi-ს თმის ნისლის განსაკუთრებული ფორმულა, ახალი — ნატურალური, გარემოსდამზოგავი ინგრედიენტების დამსახურებით, მდგრად სურნელთან ერთად, თმის მკვებავ მოქმედებასაც აძლიერებს.

ფიტოკერატინს თმის გაჯანსაღების (კლინიკური ტესტის შედეგად გამოკვლეულთა 85%-ში თმის გაძლიერება აღინიშნა) და ელასტიკურობის გაძლიერების (კლინიკური ტესტის შედეგად გამოკვლეულთა 8%-ში ელასტიკურობის გაძლიერება გამოვლინდა) უნარები აქვს, ქერტლის საწინააღმდეგო ნივთიერება კი მნიშვნელოვნად ამცირებს ქერტლის ჩამოყალიბებას და ტანსაცმელზე სკალპის არასასიამოვნო ნარჩენებს.

თმის ეფექტური გამაჯანსაღებელი და აღმდგენი მოლეკულა — კერატინი, ცხოველური წარმოშობის გამო, გარემოსდამზოგავი შეზღუდვების თანახმად, ლიმიტირებულია. კომპანია Cereria Terenzi-ს გუნდისთვის კი, გადაწყვეტილებების მიღებისას თუ სტრატეგიული არჩევანის გაკეთებისას, ერთ-ერთი ფუნდამენტური მამოძრავებელი ძალა სწორედ წარმოების გარემოზე ზეგავლენაა, რის გამოც, Terenzi-ს მიერ განხორციელებული ყოველი ნაბიჯი, ეკო-მდგრადობისა და სოციალური პასუხისმგებლობის ფილოსოფიაზე დაყრდნობით ხორციელდება. სწორედ ამიტომ შეეხო Terenzi-ს კვლევები აქამდე უცხო სფეროებს და მცენარეული წარმოშობის მოლეკულები შეისწავლა, რომლებსაც გარემოზე მავნე ზემოქმედება აბსოლუტურად არ ახასიათებთ, ეფექტი კი ზუსტად ცხოველური კერატინის ანალოგიური აქვთ.

შედეგები განმაცვიფრებელი აღმოჩნდა: Terenzi-ს სერტიფიცირებულმა ლაბორატორიულმა ცდებმა გამოავლინა, რომ მცენარეული კერატინის ძვირფასი და იშვიათი მოლეკულა, ცხოველური წარმოშობის ალტერნატივაზე, სულ მცირე, 20-ჯერ უფრო ძლიერი აღმდგენია. შედეგად, წყლის და ბუნებრივი მოლეკულების ბაზაზე, ექსკლუზიური ფორმულა შეიქმნა, რომელიც თმის დახვეწილი, სურნელოვანი გამაჯანსაღებელი მოქმედებით ხასიათდება და ამავდროულად, იდეალურია ყველაზე ფაქიზი, ძვირფასი ქსოვილებისთვისაც (რათა ტანსაცმელი არ დააზიანოს).

Tiziana Terenzi-ს სურნელოვანი ნისლი, მართლაც რევოლუციური პროდუქტია თქვენი თმის კეთილდღეობისთვის; ყოველი გამოყენებისას, თმას არაორდინალურად ინტენსიურ სურნელს და პროექციას ანიჭებს და ამავადროულად, გამაახალგაზრდავებელ, გამამხნევებელ მკურნალობას გთავაზობთ!