Not Chosen

Tiziana Terenzi-ს სურნელოვანი ქმნილება Delox (იგულისხმება კუნძული დელოსი), კიკლადის კუნძულებზე — საბერძნეთის არქიპელაგში ნაოსნობითაა შთაგონებული, მისი თაიგული კი ხმელთაშუა ზღვის სამხრეთის ავთენტურ ფერებსა და არომატებს აერთიანებს.

ხმელთაშუა ზღვის ხელუხლებელი, ისტორიული სილამაზის კვალდაკვალ შექმნილი Delox, მართლაც ჯადოსნობით ახერხებს უდარდელი ზაფხულის არსისა და მელტემის (მოცემულ კოორდინატებზე გავრცელებული ქარები) მონაბერი სურნელების თბილი, მგრძნობიარე ჩახუტების განსახიერებას.

ზღვაში არეკლილი გარდამავალი სხივებით გაფერადებულ დილის კამკამა ჰაერში „მოკას“ უძველესი აპარატით მომზადებული ყავის ძლიერი არომატი ლივლივებს. მზერა, მყისიერად, მძაფრი სურნელის მქონე მცენარეებითა და ყვავილებით შემოსაზღვრული ლურჯი უსასრულობისკენ გარბის. ფლორის არომატს კიდევ უფრო ატკბობს და აგემრიელებს თაფლის და ამბრის (ამბრი: მოლეკულური პარფიუმერული ინგრედიენტი ქარვის მსგავსი, მუშკის, ანიმალისტური და ხის აკორდებით) ფისის ნოტების შორეული რევერბერაციები.

Tiziana Terenzi-ს უმაღლესი ხარისხის მინის ფლაკონებში შესაშურადაა დაცული დელოსის ანტიკური ბრწყინვალების ამსახველი ძვირფასი ესენციები; კუნძულის, რომელსაც ჯერ კიდევ შემოუნახავს აპოლონის ტაძრების განთქმული ნანგრევები, ულისე რომ ეპიკური თავგადასავლებისას მიადგა…

მდიდრულ სამეფო ზამბახსა და ექსტაზის ვარდთან კომბინირებული თეთრი ჰიაცინტის ჰიპნოზური ძალა, თაფლის მინიშნებებით გაგემრიელებულ ამბრის (ამბრი: მოლეკულური პარფიუმერული ინგრედიენტი ქარვის მსგავსი, მუშკის, ანიმალისტური და ხის აკორდებით) და კვიპაროსის მშვენიერ ფონზე, ტკბილი მირონის და მოხალული ყავის მარცვლების ჩახუტებას ნებდება. მთლიან სურნელოვან კომპოზიციას ლიბანური კედარის ძლიერი ნოტები აძლიერებს.

რა მშვენიერია გამოღვიძება, აღმოჩენათა საოცრებებში გახვეულები, მომავლის ნათელ პროექცირებას საკუთარი წარსულის ნაკვალევით რომ ვახდენთ!

…

Tiziana Terenzi-ს თმის თერაპიის სურნელოვანი ნისლი მოვლის უახლესი პროდუქტია, რომელიც ბრენდის მოწინავე ლაბორატორიებში, წლების განმავლობაში წარმოებული კვლევების და განვითარების კვალდაკვალ შემუშავებული რევოლუციური მეთოდის საფუძველზე შეიქმნა. მისი სასიამოვნო სურნელი თმას ბუნების რეგენერაციული მოფერებით მოეფინება.

ფიტოკერატინის და ქერტლის საწინააღმდეგო ნივთიერების შემცველობით, Tiziana Terenzi-ს თმის ნისლის განსაკუთრებული ფორმულა, ახალი — ნატურალური, გარემოსდამზოგავი ინგრედიენტების დამსახურებით, მდგრად სურნელთან ერთად, თმის მკვებავ მოქმედებასაც აძლიერებს.

ფიტოკერატინს თმის გაჯანსაღების (კლინიკური ტესტის შედეგად გამოკვლეულთა 85%-ში თმის გაძლიერება აღინიშნა) და ელასტიკურობის გაძლიერების (კლინიკური ტესტის შედეგად გამოკვლეულთა 8%-ში ელასტიკურობის გაძლიერება გამოვლინდა) უნარები აქვს, ქერტლის საწინააღმდეგო ნივთიერება კი მნიშვნელოვნად ამცირებს ქერტლის ჩამოყალიბებას და ტანსაცმელზე სკალპის არასასიამოვნო ნარჩენებს.

თმის ეფექტური გამაჯანსაღებელი და აღმდგენი მოლეკულა — კერატინი, ცხოველური წარმოშობის გამო, გარემოსდამზოგავი შეზღუდვების თანახმად, ლიმიტირებულია. კომპანია Cereria Terenzi-ს გუნდისთვის კი, გადაწყვეტილებების მიღებისას თუ სტრატეგიული არჩევანის გაკეთებისას, ერთ-ერთი ფუნდამენტური მამოძრავებელი ძალა სწორედ წარმოების გარემოზე ზეგავლენაა, რის გამოც, Terenzi-ს მიერ განხორციელებული ყოველი ნაბიჯი, ეკო-მდგრადობისა და სოციალური პასუხისმგებლობის ფილოსოფიაზე დაყრდნობით ხორციელდება. სწორედ ამიტომ შეეხო Terenzi-ს კვლევები აქამდე უცხო სფეროებს და მცენარეული წარმოშობის მოლეკულები შეისწავლა, რომლებსაც გარემოზე მავნე ზემოქმედება აბსოლუტურად არ ახასიათებთ, ეფექტი კი ზუსტად ცხოველური კერატინის ანალოგიური აქვთ.

შედეგები განმაცვიფრებელი აღმოჩნდა: Terenzi-ს სერტიფიცირებულმა ლაბორატორიულმა ცდებმა გამოავლინა, რომ მცენარეული კერატინის ძვირფასი და იშვიათი მოლეკულა, ცხოველური წარმოშობის ალტერნატივაზე, სულ მცირე, 20-ჯერ უფრო ძლიერი აღმდგენია. შედეგად, წყლის და ბუნებრივი მოლეკულების ბაზაზე, ექსკლუზიური ფორმულა შეიქმნა, რომელიც თმის დახვეწილი, სურნელოვანი გამაჯანსაღებელი მოქმედებით ხასიათდება და ამავდროულად, იდეალურია ყველაზე ფაქიზი, ძვირფასი ქსოვილებისთვისაც (რათა ტანსაცმელი არ დააზიანოს).

Tiziana Terenzi-ს სურნელოვანი ნისლი, მართლაც რევოლუციური პროდუქტია თქვენი თმის კეთილდღეობისთვის; ყოველი გამოყენებისას, თმას არაორდინალურად ინტენსიურ სურნელს და პროექციას ანიჭებს და ამავადროულად, გამაახალგაზრდავებელ, გამამხნევებელ მკურნალობას გთავაზობთ!