Not Chosen

„ეს სურნელოვანი კომპოზიცია, საოჯახო აგარაკზე გატარებული არდადეგების დროს დაიბადა, როდესაც მე და ტიციანა, ოჯახის სრულ შემადგენლობასთან ერთად, მთელ დღეებს, ტყეში სირბილში ვატარებდით ბედნიერად; პაპა მცენარეებსა და ყვავილებზე გვიამბობოდა, შემდეგ, მათი სურნელების გამოსაცნობ თამაშებს გვათამაშებდა. იმ დროს, ვერავინ იფიქრებდა, რომ ეს გართობა ჩვენს საოცნებო საქმიანობად იქცეოდა.

კატრიის მთის ძირში, პატარა სოფელი — ფრონტონი მდებარეობს, სულ 1000 მოსახლით. მის სიმშვიდეს, მხოლოდ, ხეობის შემოგარენის ყვავილებისა და მცენარეების სურნელი არღვევს. მახლობლად, ფონტე აველანა — მედიტაციისა და მდუმარების ადგილია, რომელიც მოგზაურობას სულიერ არომატს მატებს.

ჩვენს სახლს ფრონტონის ციხე-სიმაგრე იცავდა — ტერიტორია, რომელიც იმ მიდამოების საზღვარს აზუსტებს, რომაელებმა ადრიატიკის ზღვასთან მისასვლელად რომ გადაკვეთეს, მე-15-მე-16 საუკუნეებში კი — მონტეფელტროს საჰერცოგოს უკანასკნელ დასაყრდენს რომ წარმოადგენდა… სწორედ იმ ისტორიებითა და თქმულებებით მდიდარ მიდამოებში ვთამაშობდით ბედნიერად: ციხე-სიმაგრის ყველაზე მაღალ კოშკზე ვძვრებოდით, საიდანაც იქაური დიდებული გარემოს დათვალიერება საუკეთესოდ შეგვეძლო. ერთ მხარეს, სან მარინომდე (ადრიატიკის სანაპიროს დამოუკიდებელი შტატი რომანიის და მარშეს რეგიონში) გადაჭიმული ნერონის მასიური მთა მოჩანდა, მეორე მხარეს კი — ადრიატიკის ზღვა. ვახშმის შემდეგ, უზარმაზარი, ყვითელი მთვარის შუქში, ვარსკვლავებით მოჭედილი ცის ქვეშ, აალებული ჩირაღდნებით განათებულ კოშკზე ვთამაშობდით… “ — პაოლო ტერენცი, პაფრიუმერი.

ამიტომაცაა Tiziana Terenzi-ს პარფიუმის ექსტრაქტი Cassiopea („კასიოპეა“) ნათელი და ცქრიალა, მისი არომატი კი — იმ თანავარსკვლავედის მსგავსად უკვდავი, რომლის სახელსაც ატარებს. ეს ჰაეროვანი, თეთრი ესენცია, მზიან შუადღეს ჰგავს, რეალობასა და წარმოსახვას შორის რომ თან დაგვყვება. თითქმის ჯადოსნობით, ტკბილი, მანათობელი სურნელების წარმოქმნა ძალუძს — მარაკუიას და კასისის (კასისი: შავი მოცხარის ტკბილი აკორდი) გამხსნელი ნოტების დამსახურებით, რომლებიც ყვითელი ძიძოს (ერთ- ან ორწლიანი ბალახოვანი მცენარე), შროშანის და ნარცისის ძალით, მდგრად და გამყოლ ხასიათს იძენენ.

Cassiopea წარმოსახვის ფრთებზე ამხედრებული ოცნების ისტორიაა, რომელიც ყოველი ჩვენგანის მარადიულ შინაგან ბავშვს, ზაფხულის ცხელი ღამე მოწყვეტილი ვარსკვლავების თვლაში რომ გაუტარებია, ჯადოსნური მოგზაურობის შესახებ უამბობს. ნათელი ფერების და საოცარი არომატების ნაზავით, ეგზოტიკურ ადგილებში — სურნელოვან ტყეებში გადაფრენას ჰგავს, სადაც ჯადოსნური, ამოუცნობი არსებები — ფერიები და ელფები ბინადრობენ…
ეს ზმანებები, სწორედ, ფანტაზიებით შექმნილი ძვირფასი ნექტრისთვის შეაგროვეს და მის არომატში სამუდამოდ აღბეჭდეს: Cassiopea მარადიული სუნამოა, რომელიც სიყვარულსა და მადლიერებაზე მუდამ შეუმცდარად გვესაუბრება.

…

Tiziana Terenzi-ს ნისლი Cassiopea („კასიოპეა“) თმას აღმდგენი მოფერებით მოეფინება.

პროდუქტი, ფიტოკერატინის და ქერტლის საწინააღმდეგო ნივთიერების შემცველი განსაკუთრებული ფორმულით — ძვირფასი, ნატურალური, გარემოსდამზოგავი ინგრედიენტებით, თმას სასიამოვნო სურნელს ანიჭებს და ღრმად კვებავს: ფიტოკერატინი ღერებს აძლიერებს და მეტად ელასტიკურს ხდის, ქერტლის საწინააღმდეგო ნივთიერება კი — შესამჩნევად ამცირებს ქერტლის წარმოქმნას და ტანსაცმელზე სკალპის უსიამოვნო ნარჩენებს.

Tiziana Terenzi-ს თმის თერაპიის არომატული ნისლი, კეთლიდღეობის ჭეშმარიტი რევოლუციაა: მისი ყოველი გამოყენებისას, თმა ინტენსიურ, სასიამოვნო სურნელსა და დიფუზიას იძენს და აღმდგენი, გამამხნევებელი მოქმედებით იკვებება. ნისლის რეგულარული მოხმარებით, თქვენი თმა ნაზ, აბრეშუმისებრ ფაქტურას მიიღებს.

ნისლი რეკომენდებულია ყველა ტიპის, მათ შორის — შეღებილი თმისთვისაც. შეგიძლიათ, გამოიყენოთ მხოლობითად ან Tiziana Terenzi-ს პარფიუმის ექსტრაქტ Cassiopea-ს თანმხლებად, არომატის გასაძლიერებლად: ის, პირველივე გამოყენებისას, თქვენს თმას ბუნებრივ ბზინვარებას, თქვენ კი — მთელი დღის განმავლობაში, Tiziana Terenzi-ს საყვარელი სუნამოს სურნელს მოგანიჭებთ.