Not Chosen

პარფიუმერების — ტიციანას და პაოლოს მოგონებები: „ამ სუნამოს ისტორია, კომოს ტბის გარშემო ვითარდება: მისი წყლის სხეული ყოველთვის აღგვაფრთოვანებდა, რადგანაც, იტალიის ზღვებზე უფრო ღრმაა, ირგვლივ კი თვალწარმტაცი მთები აკრავს. კომოს ტბის აუზის გარემომცველი მთები, ტყის მდიდარი საფარით და ყველაზე მრავალფეროვანი სურნელოვანი ლანდშაფტით გამოირჩევა. ნაპირებზე საძოვრებს, ტყეებს, უხეშ, შთამბეჭდავ კლდეებს შეხვდებით, თვალწარმტაც სოფლებს წყლის ხედით და პარკებითა და ბაღებით გაფორმებულ ლამაზ ვილებს. ტბის ცენტრალური ნაწილი, სადაც მისი სამივე განშტოება ერთიანდება, ყველაზე რბილი კლიმატით და ყველაზე ფართო ლანდშაფტით გამოირჩევა.

ბავშვობაში, წყლის იმ გზაჯვარედინის ნავით დალაშქვრა და ბელაჯიოს კონცხიდან საუკეთესო ხედებით დატკბობა გვიყვარდა: ჩრდილოეთით, გრინგას მთა ვალსასინას ველს გადაჰყურებდა, უღრუბლო დღეებში კი ტბის ზედა აუზიც მოჩანდა, ალპების ფონით. თუმცა, ჩვენთვის ყველაზე ნაცნობი და საყვარელი ადგილი ყოველთვის ლეკოს განშტოება იყო — მეტად უხეში, სანახაობრივი პანორამული ხედებით. სამხრეთით დოლომიტური წარმოშობის გრინგა და ტბისკენ მიმართული კორნი დი კანცოს კლდეები მდებარეობდა, თვალწარმტაცი ყურეებითა და მისადგომებით.

ჩვენთვის, განტვირთვის საუკეთესო საშუალება ლეონარდო და ვინჩის მიერ აღწერილი ფიუმელატეს წყარო იყო. თავის წიგნში Codex Atlanticus („ატლანტის კოდექსი“), ამ ფენომენით ღრმად დაინტრიგებული და ვინჩი, წყაროს „ფიუმელაჩიოს“ სახელით მოიხსენიებს: „ფიუმელაჩიო, თავისი დაბადების ადგილიდან — უზარმაზარი სიმაღლიდან, ტბის ზედაპირს წარმოუდგენელი მძვინვარებითა და ხმაურით ეხეთქება“, — ვკითხულობთ მის ჩანაწერებში.

მსოფლიო მასშტაბით უნიკალური შტრიხების დამსახურებით, ჩვენც გვაჯადოებდა წყარო, რომელმაც ლეონარდო და ვინჩი მონუსხა: წყლის ნაკადი, იდუმალი გამოქვაბულიდან, პერიოდულად, 25 მარტიდან 7 ოქტომბრამდე მოჩქეფს. იმ გამოქვაბულის სურნელის გადმოცემა სიტყვებით შეუძლებელია, თუ მის აღწერას ეცდები, ამ გზით, მხოლოდ დააკნინებ… ესაა ადგილი, სადაც პირველად იშვა პარფიუმერიის ალქიმია და გამოქვაბულიდან გამოჟონილი სურნელი მთელ კლდეს მოჰფინა. როდესაც ნაკადის დინება წყდება, შეგიძლია, კოსმოსური ხარის საბურველში გახვეული გვირაბი დაინახო, რომელიც, მართლაც მთვარის ლანდშაფტის მსგავსია. იქ, ბუნებრივი შუქი არასოდეს აღწევს… მასში ცეცხლოვანი ჩირაღდნებით შეძრომა, სწორედ, მთვარეზე სიარულს ჰგავდა, თუმცა, ყველაზე შთამბეჭდავი და ჩვენს მეხსიერებაში ნათლად შემონახული მოგონება საკუთარი თავის ხელახლა აღმოჩენა იყო ტბის მშვიდი წყლის სარკისებრი ზედაპირის პირისპირ, რომელიც მაღალი მთების მიღმა განფენილ, წყლის სურნელით გაგრილებულ და მიწისა და ფესვების ყოვლისმომცველ არომატებში ჩაძირულ ცვალებად მთვარეს და დიდი დათვის თანავარსკვლავედს ირეკლავდა.

ამ ემოციებიდან მომდინარეობს სასტიკი და ამავდროულად დამამშვიდებელი ექსტრაქტი, რომელიც რთულ ბილიკზე სიარულისას, დასაყრდენი ხელის მსგავსია. Tiziana Terenzi-ს Ursa-ს („ურსა“) ძალა და სითბო არასოდეს გიღალატებთ!“

…

კეთილდღეობისკენ მოგზაურობის მორიგი გაჩერება — Tiziana Terenzi-ს მდიდრული, დახვეწილი ფორმულით შექმნილი ტანის კრემი — Ursa („ურსა“), ახალი სურნელით, მომხმარებლებისთვის უკვე ცნობილი შხაპის გელის მიერ მონიჭებულ ჯადოსნურ შეგრძნებებს სრულყოფს.

პროდუქტის აბსოლუტურად უალკოჰოლო, უპარაბენო და უსაღებავო ბუნებრივი, მდიდრული ფორმულა გამდიდრებული და გაუმჯობესებულია კარიტეს შიის კარაქით, ნუშის რძით და E ვიტამინით; საოცრად სასიამოვნო და მარტივად შეწოვადი სტრუქტურით, კანს ნაზ, აბრეშუმისებრ ფაქტურას და ჰიდრატაციას ანიჭებს, მისი არომატი კი, კანში შეღწევისას, სხეულის ინდივიდუალური სურნელის თანახმად გარდაიქმნება.

ტანის კრემი, ესენციების მაქსიმალური კონცენტრაციით, იდეალურ ნაზავს გვთავაზობს, რომელიც შეუდარებელ სურნელოვან ენერგიას გამოსცემს და გარშემომყოფთათვის შეუმჩნეველი არასოდესაა. სილამაზის ეს პროდუქტი, უკიდურესად ინოვაციურია, რადგანაც, სრულად პარფიუმის ბაზაზეა განვითარებული: Ursa, არა მხოლოდ ტანის ლოსიონი, არამედ — ტანის კრემში მოქცეული ნამდვილი პარფიუმია, უნარით — ჯადოსნური, შეუდარებელი სენსორული შეგრძნებები მოგანიჭოთ. მოცემულ უნიკალურ გამოცდილებას კიდევ უფრო აამაღლებთ, თუ თქვენს მოვლის რუტინას Ursa-ს რევოლუციური შხაპის გელით გაამდიდრებთ.

Ursa („ურსა“), Tiziana Terenzi-ს კოლექცია Luna-ს („მთვარე“) პირველი შხაპის გელია. ეს პროდუქტი, წლების განმავლობაში, დაუღალავი კვლევების შედეგად დაიბადა, სულ ახლახან გამოვიდა და მზადაა, იმ უდიდესი წარმატების მოწმე გახდეს, რასაც მხატვრული პარფიუმერიის ბრენდი, მთელ მსოფლიოში, უკვე წლებია, აღნიშნავს.

შხაპის გელი Ursa, ამავე სახელწოდების სუნამოს მიერ მონიჭებული კეთილდღეობის შეგრძნების გაგძელებაა და ფესვებიც მის ძვირფას ესენციებში აქვს გადგმული. ამ ქმნილებაში შემავალი ნივთიერებები კრისტალური სტრუქტურით ხასიათდება, რაც ტკბილ და დახვეწილ, თუმცა, ამავდროულად, ეფექტურ და მტკიცე გამწმენდ ეფექტს გვთავაზობს.

ალოეს ექსტრაქტი და ტენცო (იგივე წყლის პიტნა) ჰარმონიულად ერწყმის მაღალპროცენტიან სურნელოვან ესენციებს და მთელი დღის განმავლობაში, ფაქიზი ჩახუტების შეგრძნებას გვანიჭებს. გამაგრილებელ, გამამახნევებელ შეგრძნებებს, ასევე, პროდუქტის უპარაბენო, უალკოჰოლო და უსაღებავო ფორმულაც აღძრავს.

სილამაზის ეს პროდუქტი, უკიდურესად ინოვაციურია, რადგანაც, სრულად პარფიუმის ბაზაზეა განვითარებული: Ursa, არა მხოლოდ ტანის დასაბანი საშუალება, არამედ — ნამდვილი აბაზანის სუნამოა, უნარით — ჯადოსნური, შეუდარებელი სენსორული გამოცდილება მოგანიჭოთ. მოცემულ უნიკალურ გამოცდილებას კიდევ უფრო აამაღლებთ, თუ თქვენს მოვლის რუტინას Ursa-ს რევოლუციური, სურნელოვანი ტანის ლოსიონით გაამდიდრებთ.