Not Chosen

არომატის ტიპი: აღმოსავლური (ორიენტალი)

ძირითადი ნოტები: ვარდისფერი პილპილი, ჯანჯაფილი, ვანილი, პაჩული, ამბრი (მოლეკულური პარფიუმერული ინგრედიენტი ქარვის მსგავსი, მუშკის, ანიმალისტური და ხის აკორდებით)

არომატის შთაგონება

გაჩერება სინგაპურში — ტრადიციულ და ფუტურისტულ ღირებულებებს შორის მოლავირე ადგილი:

SIMONE ANDREOLI-ს SENTOSA The Night Escape ეროტიკული და მაცდური სუნამოა, რომელსაც ვნებიან ღამეს, შეყვარებულების გემო აქვს.

(კუნძული სენტოზა: ღამის გაუჩინარება) SENTOSA The Night Escape-ის დღიური

შებინდების მზერა და ერთი ღამის ხიბლი, რომელიც ცხელ რეფლექსებსა და თავხედურ პროვოკაციებში შეფარულ შეყვარებულების გემოს მოგვაგონებს.

სილამაზის ესენციებისა და სურნელებით მოჯადოებული სინდისის აბსტრაქტული ქენჯნა ჩემი აპარტამენტისკენ მიმიძღვის და ნაბიჯ-ნაბიჯ, გონებას მაკარგინებს.

იმ ღამის შემდეგ, ჩემს კანს კვლავ შემორჩენია სუნამო, რომელთან ერთადაც თანავარსებობ და რომელსაც ვუსმენ: ჩემი ოთახის ვიტრაჟიდან, ღამის სინგაპურის ხედით რომ ვტკბები, მისი სურნელი ცდუნებაზე მესაუბრება.

ყველაფერი მკრთალ მეწამულისფრად აალებული შენი მზერით დაიწყო, ჩემს თვალებს რომ ეძებდნენ, თითქოს, ნელი, თბილი ჩურჩულით, ჩემს სახელს წარმოთქვამდნენ.

შემდეგ, ჩემი მხედველობის არე სურნელად იქცა, რომელმაც აშკარა ცნობიერების აღქმა ქარვის ეროტიკული არომატის წიაღში ჩაძირა.

თვითშეგნება აპარტამენტის დერეფანში დავტოვე და იმ მომხიბლავ სურნელს მივყევი, ნაბიჯ-ნაბიჯ, ჩემი ყოფიერება მის ოთახამდე რომ მიიყვანა, რათა მის ტუჩებს შეხვედროდა. მახსოვს არეული საწოლი და ანთებული სანთლები, ჩვენს ვნებიან, ინტიმურ ღამეში რომ იწვოდნენ.

მარტო მდგომი, ჩვენს წარმავალ მომენტს ვიხსენებ, რომელიც შენს არომატში, იმ ზეწრებზე, ჩემს კანზე, ჩემს ღრმა ცნობიერში შემორჩენილა. ნებისმიერი საჭიროებისთვის, შენს განკარგულებაში ვრჩები და მოუთმენლად ველი შენს მშვენიერ სიახლეებს.