Not Chosen

CLARINS-ის ტუჩების გასაფუმფულებელი საკულტო საცხით შთაგონებული ტუჩებისა და ლოყების მრავალფუნქციური ბალზამი, შეგიძლიათ, ამოსანათებლის („ჰაილაითერი“) დანიშნულებით გამოიყენოთ, ბუნებრივი, ჯანსაღი იერსახის ბზინვარებისთვის.

მბრწყინავი, ინტენსიურად მანათობელი ეფექტისთვის, პროდუქტი ფორმულირებულია Clarins-ის ტუჩის ამოსანათებელი ექსკლუზიური კომპლექსით (Lip Highlighter Complex) — 2 სახის სადაფის ბლენდით.

არაწებოვანი სტრუქტურის მდნარი, გელისებრი ბალზამი კანის ზედაპირს აერთგვაროვნებს, ამშვიდებს და ტუჩებს სრული 8 საათის* განმავლობაში ატენიანებს, ლოყებს კი — გამოკვეთილ ელფერს ანიჭებს.
ამ მრავალფუნქციური ესენციის შემადგენლობის 96% კანის მოვლის ინგრედიენტებს წარმოადგენს. მათ შორისაა:
— ველური მანგოს კარაქი, ორგანული შიის კარაქი, უსაპონიფიკაციო (ცხიმოვანი ნივთიერების კომპონენტი, რომელიც ტუტეებით დამუშავებისას საპონს არ წარმოქმნის და წყალში უხსნადი რჩება; იხსნება მხოლოდ ორგანულ გამხსნელებში) შია: კანის ოპტიმალური ნუტრიციისათვის;
— ბრინჯის ქატოს (ბრინჯის ქატო შეიცავს ცილას, ცხიმს, ნაცარს და ნედლ ბოჭკოებს) ზეთი: ტუჩების დასაცავად და მათი ბუნებრივი სტრუქტურის გასაუმჯობესებლად;
— გამაფუმფულებელი პეპტიდი: ტუჩებისთვის მყისიერად შევსებული, ახლადდაკოცნილი იერსახის მისანიჭებლად და ხანგრძლივი ჰიდრატაციის უზრუნველსაყოფად.

ბალზამის ბუნებრივი შეფერილობა ჰარმონიულად ერწყმის ყოველ ტუჩს და კანის ფერს. პროდუქტის საავტორო მათრობელა სურნელი ძირტკბილას ექსტრაქტითაა გაჟღენთილი.

ბალზამის მსუბუქი, არაწებოვანი სტრუქტურა ლოყებს და ტუჩებს კომფორტულად ფარავს. შეგიძლიათ, გამოიყენოთ ფერადი ტუჩსაცხის ბაზად ან პირიქით — წაისვათ, როგორც ტუჩსაცხის ზედა ფენა, რათა ტუჩებს მარგალიტისებრი ფაქტურა მიანიჭოთ. ნებისმიერ შემთხვევაში, პროდუქტი იდეალურად ბუნებრივ შედეგს გპირდებათ.

ტუჩებზე გამოყენებისას: გადაისვით ტუჩების ზედაპირზე. გაიმეორეთ მოქმედება, თუ მეტად მდიდრული შეფერილობა, ინტენსიური დაფარვა და ტუჩების მოცულობის გაზრდა გსურთ.

ლოყებზე გამოყენებისას: დაიტანეთ პროდუქტი თითის წვერებით შუბლზე, ცხვირზე, ყვრიმალებსა და ნიკაპზე. გარდამავალი ეფექტისთვის, სურვილისამებრ, გადაინაწილეთ და შეურიეთ ბაზას ან ტონალურს.