Not Chosen

წარმოიდგინეთ მდიდრული, მასკულინური, კვამლისებრი სურნელი: არა, არც ვისკის და სიგარის არომატს ვგულისხმობთ, არც — ძველი ჰოლივუდის „ვერცხლისფერი ეკრანის მომაჯადოებელ ლეგენდებს“. საუბარია Atkinsons-ის ინტენსიურ სუნამოზე — His Majesty The Oud, რომელიც ერაყის მეფის, ფეისალ პირველის მომხიბლავობის და მიმზიდველობის შთაგონებით შეიქმნა.

შეიძლება, იკითხოთ: „ვინ არის მეფე ფეისალი?“ — ის, ბრიტანელი ჯაშუშების, გერტრუდა ბელისა და ლოურენს არაბის ნდობით აღჭურვილი მოკავშირე გახლდათ; ამავდროულად, თამამი ელეგანტურობითა და შორსმჭვრეტელი ლიდერის უნარებით იყო განთქმული…

ლაპსანგ სუშონგის ჩაი, მიხაკის ნოტების ტკბილ, თამამ სურნელს ერწყმის; მუშკისებრი, მაცდური უდის და მდიდრული ტყავის ნახევარტონები კი იმ უნაგირის ასოციაციებს აღძრავს, რომლითაც, ფეისალი ცხენებს კაზმავდა და ეგვიპტის უდაბნოების ოქროს ქვიშებზე უშიშრად დააჭენებდა.

Atkinsons-ის His Majesty The Oud არაორდინალური, დახვეწილი არომატია; მეფის მსგავსად დამაჯერებელი და ქარიზმატული!