Not Chosen

Giardino Benessere-ს მხიარული, უდარდელი სურნელოვანი ქმნილება — Hashabis („ჰაშაბი“), პაოლო და ტიციანა ტერენცების შემოქმედებით წარმოსახვაში დაიბადა და როგორც ახალგაზრდებს, ასევე, მარად ახალგაზრდული სულის მქონე პიროვნებებს მიეძღვნა. ცდუნების თამაში და თავქარიანი ხასიათი, სურნელოვან კომპოზიციაში, თავისუფლების სულს და სიყვარულს განასახიერებს.

Hashabis, დამოუკიდებლად გამოყენებისას, მათრობელა და პროვოკაციულია; Giardino Benessere-ს კოლექციის სხვა ესენციებთან — Sandalwood-სა და Myrrh-თან, Sandalwood-სა და Amber-თან, Aurelia-სთან ან Cotton Flower-თან შერწყმით კი — მაცდურ, მაჰიპნოზირებელ ხასიათს ავლენს: ყოველდღიურად, თქვენს ხელთ ათასობით შესაძლო კომბინაციაა, რათა უნიკალური, განუმეორებელი სურნელი მოირგოთ.

არომატის სურნელი თავხედური ელფერის მქონე მწვანე ფოთლების გრილი თაიგულით იშლება. იგრძნობა წითელ მოცხართან და დილის ცვარით დანამულ კანაფის ფოთლებთან კომბინირებული ჟოლოსა და მოცვის სიტკბო.

სუნამოს გულში დამარწმუნებელი, სიზმრის მსგავსი ნოტები იყრიან თავს — კანაფის ფოთლებისა და ყვავილებთან შეზავებული ღვიის კენკრის რეგენერაციული სიგრილე, ცერცვის მაჰიპნოზირებელ ძალასთან ერთად.

კომპოზიციის პროვოკაციულ გულს ძლიერი ბაზა უჭერს მხარს: საბაზისო ნოტებში დომინირებს კუბური კედარის ხის გამოძახილები და ტოსკანური ხავსი, რომლებიც ოსტატურადაა შერწყმული იამაიკურ პილპილსა და იდუმალ „ღამის ბალახთან“ (პასიფლორას, ვალერიანის, ესკოლზიას და კუნელის ნაზავი ძილის გასაუმჯობესებლად).

Hashabis — ესაა სუნამოს წვეთებში მოქცეული სიზმრის სადარი მოგზაურობა უდარდელი მხიარულებისკენ…