Not Chosen

Tiziana Terenzi-ს პარფიუმის ექსტრაქტი Tyrenum („ტირენი“) შთაგონებულია პუგლიის ცნობილი ქალაქ ტრანით, რომელსაც, ერთ დროს, ტირენი ერქვა. საუკუნეების განმავლობაში, მისი ზღვით განბანილი და ქარით შელახული მიწა, მომაჯადოებელი მშვენიერების გამო, მთელი მსოფლიოს მეზღვაურების საყვარელი თავშესაფარი იყო.

პარფიუმერები — პაოლო და ტიციანა, მარილის სურნელის მოკვლევას განაგრძობენ და ამჯერად, მშვენიერ პუგლიაში ჩერდებიან, რათა მისი ზღვის მარილის სურნელოვანი მახასიათებლები შეისწავლონ. ქალაქი ტრანი ცნობილია დევიზით: „სილამაზე, რომელიც ზღვას გადაჰყურებს“, რადგან ყველა მისი დიდებული მონუმენტი, სწორედ, ზღვისკენ მიმართული და მის ზედაპირზე არეკლილია.

ტრანი თანასწორად ხიბლავს და სამუდამოდ ატყვევებს ყველას, ვინც მზის ჩასვლისას სანაპიროზე გაისეირნებს.

ზღვასთან კავშირი მტკიცე და გაუტეხელია, როგორც სუნამო Tyrenum, რომელიც ამ ქალაქის საოცრებებით აღსავსე სულს, ინტენსიური ბრიზების ფრთებზე ამხედრებული მოიცავს, მარილის და მოვარდისფრო თეთრი ტუფის ქვების სურნელს რომ აგროვებენ. სწორედ ის ქვები ქმნის ქალაქის სახასიათო ფერს, ადრიატიკის ზღვის მდიდრული ლურჯის ანარეკლებთან ერთად.

Tyrenum ცქრიალა, ინოვაციური ციტრუსოვანი თაიგულით იშლება: რეჯიო კალაბრიის ბერგამოტის და ბრაზილიური ფორთოხლის გამოძახილებს ჰიმალაის ოსმანტუსის და შრი-ლანკური მწვანე ჩაის შუშხუნა ნუგბარი იხუტებს, პუგლიის კარამელი კი — მათ სურნელს არბილებს.

გრილი, შაქრისებრი ნოტების ამაღელვებელი ბალანსი სუნამოს გულში მყარდება — იქ, სადაც ზღვის ძლიერი ნიავი, ვარდისფერი და შავი პილპილისა და გვატემალური ილის პიკანტური კონტრაპუნქტით შეკმაზულ იოდის და ადრიატიკის ზღვის მარილის არომატებს უბერავს.

სუნამოს ბაზის სტრუქტურა, ქალაქ ტრანის ქვის საფუძვლის მსგავსად მტკიცე და მყარია: საბაზისო ნოტებს შორის, ინდური პაჩულის სურნელებთან ერთად, მუშკის და ზღვის უძვირფასესი ნობათის — ამბრის (ამბრი: მოლეკულური პარფიუმერული ინგრედიენტი ქარვის მსგავსი, მუშკის, ანიმალისტური და ხის აკორდებით) აფროდიზიაკურ დამაჯერებლობასთან შერწყმული პუგლიის ზეთისხილის ძვირფასი ნოტები შეიგრძნობა, რომელთაც ტრანის ქვების გამძლეობა და მადაგასკარული ვანილის წიპწების მოფერება ამყარებს.

Tyrenum, მზის ჩასვლის ფონზე, ზაფხულის საღამოების ზღვიდან მონაბერი ბრიზის სულს აღბეჭდავს და საკუთარი არომატის ჰიპნოზური მისტერიის საბურველში ახვევს მათ, ვინც მზერას ჰორიზონტს მიღმა მიმართავენ.