Not Chosen

სიტყვა Burdél, პაოლოსა და ტიციანას ქალაქში გავრცელებული დიალექტით, „ბიჭებს“ და „გოგონებს“ აღნიშნავს, მხოლოდ, იმ განსხვავებით, რომ მოცემული პიროვნებები, პარფიუმერების მსგავსად, სიცოცხლით და სიხარულით აღსავსენი არიან: მათი უდარდელი, ახალგაზრდული გული, ბედნიერებას, მაქსიმალური სიმძაფრით შეიგრძნობს.

Tiziana Terenzi-ს არომატ Burdél-ის ნოტებში მფეთქავი პოეტური ემოციები, უნიკალურ შეგრძნებებს აღძრავენ, რომელთაც ყოველი მომენტის მოჯადოება ძალუძთ. როდესაც რომანიის რივიერაზე, ცა, ზღვის ფონზე, დამცინავად ინიღბება, რეალობა წარმოსახვას ერწყმის. იქ, პაოლო და ტიციანა ხშირად ნაოსნობენ, თუმცა, ხანგრძლივი მოგზაურობების შემდეგ, ყოველთვის სახლში ბრუნდებიან.

ოცნებებში აღრეული მოგონებები ისე აჯადოებს, რომ ზოგჯერ, ცხოვრების მომენტების მშვენიერება წარმოსახვითი სამყაროს საოცრებებს აჭარბებს. ეს, იმ ადამიანთა სიძლიერეა, რომელთაც იციან, როგორ იოცნებონ და ამავდროულად, მიწაზე მყარად მდგომნი დარჩნენ — ისე, როგორც პაოლო და ტიციანა გრძნობენ თავს თავიანთ საყვარელ მშობლიურ მიწაზე.

Burdél-ის სურნელი უპრეცედენტო, აკრობატული თაიგულით — ეგზოტიკური სპეციების გემრიელი, მერყევი გამოძახილებით იშლება. სირიული კუმინი (იგივე ძირა) და გვატემალური ილი, ბერძნული საკმელას (იგივე კლდის ვარდი) უიშვიათესი, უძველესი ესენციით და კალაბრიული სამეფო ბერგამოტის ცქრიალა ნოტებითაა დამტკბარი.

არომატის გულს არაამქვეყნიური ფერების კალეიდოსკოპი აფერადებს და მთლიან სურნელოვან ქმნილებას ნისლიანი, ღრმა მისტერიით მოიცავს. ძვირფასი მერქნების და ბალზამების, მათ შორის — ინდური გურჯუმის (გურჯუმის ბალზამი: საკმეველისებრი სურნელი თბილი, ხისებრი, ტკბილი და ამავდროულად მშრალი, ფიჭვის, პაჩულისა და ქაფურის ნოტების გაელვებით შემკული ბალზამისებრი და ფისოვანი აკორდებით) ექსტრავაგანტური ჰარმონია, რომელთაც კვიპრიოლის (იგივე ნაგარმოტა: რიზომებისგან/ფესურასგან შექმნილი ბუნებრივი პარფიუმერული ნედლეული შიპრის ტიპის არომატების მისაღებად, ხის, მიწის, ტყავის, კვამლის და ქარვის აკორდებით) ძალა და ბრაზილიური გუაიაკის ხე იხუტებს, მოულოდნელად რბილდება ხეობის შროშანის ტკბილი, მაცდური სურნელით.

კომპოზიციის ბაზა მძლავრი სურნელების ნაზავს წარმოადგენს, რომლებიც, სიმძაფრის მიუხედავად, რაფინირებულ და ელეგანტურ ხასიათს ინარჩუნებენ მუშკის ოსტატური შერწყმით მადაგასკარულ ვანილსა და ტერენცების სურნელოვანი ბიბლიოთეკის ძვირფას ამბრთან (ამბრი: ამბრი მოლეკულური პარფიუმერული ინგრედიენტი ქარვის მსგავსი, მუშკის, ანიმალისტური და ხის აკორდებით).

საბაზისო ნოტების ჟღერადობას უიშვიათესი და ძვირფასი ინგრედიენტის — ბუაიას, იგივე ლაოსის უდის ენერგიული ძალა და ინდონეზიური სანდალის ხე გადაფარავს (უდი/აგარვუდი: ბუნებრივი პარფიუმერული ნედლეული — ორთქლის დისტილაციით დამუშავებული ხის ფისი აღმოსავლური სტილის არომატების მისაღებად, ხის, ანიმალისტური, კვამლის ძლიერი ნოტებით. სანდალვუდი: ბუნებრივი პარფიუმერული ნედლეული, რომელიც ხის ფესვების ორთქლზე დისტილაციით მიიღება; ხის, რძისებრი, კრემოვანი, გლუვი, აღმოსავლური, მდგრადი, თბილი, გამჭოლი, ბალზამისებრი, დახვეწილი, ხავერდოვანი ნოტებით).

Tiziana Terenzi-ს Burdél, გარდასული დროის ყოველგვარი ბურუსით მოცული, ჩახშული საიდუმლოებების განსხეულებაა; ესენციის წვეთი, რომელიც ოცნებასა და რეალობას შორის შეჩერებული მოგზაურობისკენ, ყველაზე ნანატრი ადგილებისკენ გაგაქროლებთ. დაჰყევით მისი ნოტების ნებას, რათა თავიანთი ჟღერადობით, დახვეწილად გაცდუნონ და მოგაჯადოონ!