Not Chosen

Tiziana Terenzi-ს პარფიუმის ექსტრაქტი Hao („ჰაო“) მარადიული სიყვარულისადმი მიძღვნილი პოეტური ოდაა; მარკო პოლოს (ვენეციელი ვაჭარი, მოგზაური, მწერალი) გარდაცვალების 700 წლისთავის დელიკატური, მტკივნეული აღნიშვნა.

ეს სუნამო გვიამბობს ერთი ნახვით შეყვარების განმაპირობებელი ჯადოსნური შეხვედრის — ჩინეთის იმპერიის ანტიკურ კედლებში დაბადებული სიყვარულის იდუმალი ლეგენდის შესახებ, თუ როგორ შეაკავშირა ბედისწერამ მარკო პოლოსა და მშვენიერი ჰაო დონგის — იმპერატორ ყუბლაის (იგივე სეჩენ-ხანი/ში-ძუ) ქალიშვილისა და სასტიკი ჩინგიზ-ხანის შვილიშვილის ცხოვრება: იტალიელ მოგზაურს, აივნიდან, მომღერალი ჰაოს მელოდიური ხმა მოესმა და ვნების აღტაცებამ მოიცვა, რამაც მის გულში წარუშლელი კვალი დატოვა.

ჰაო დონგი, ჰაეროვანი სილამაზითა და იდუმალი ხიბლით, მარკო პოლოს ცხოვრების ერთადერთ სიყვარულად იქცა. მათ შორის, ძლიერი, ღრმა კავშირი ჩამოყალიბდა: შორეული კულტურების წარმომადგენელმა წყვილმა თანაცხოვრება ყუბლაის სასახლეში დაიწყო. შემდეგ, ჰაომ სამუდამოდ მიატოვა სამშობლო და საყვარელ ქმარს ვენეციაში წაჰყვა, თუმცა, იქ, მათ სიყვარულს, უამრავი მითქმა-მოთქმა და ჭორი მოჰყვა. ჰაო, დარდს სიმღერით იქარვებდა და ნაზი მელოდიებით, მშობლიური მიწის მოგონებებს გამოაღვიძებდა. დღემდე, ეს მისტერიის საბურველით მოცული სიყვარულის თქმულება, ორი განსხვავებული კულტურის შემაერთებელი ხიდის სიმბოლოდ გვევლინება — კავშირის აღთქმად, რომელმაც დროს გაუძლო.

Hao-ს სურნელი ნათელი, დელიკატური ნოტებით იშლება: სიცილიური ფორთოხლის ყვავილი კომპოზიციას ციტრუსოვან სიგრილეს ანიჭებს; ჩინური ლოტუსი — აღმოსავლური ტბების სიმშვიდის ასოციაციებს აღძრავს; ფლორენციული ზამბახი კი — ელეგანტურობისა და მისტერიის შტრიხებს მატებს.

არომატის გულში, ავსტრალიური სანდალის ხე (ბუნებრივი პარფიუმერული ნედლეული, რომელიც ხის ფესვების ორთქლზე დისტილაციით მიიღება; ხის, რძისებრი, კრემოვანი, გლუვი, აღმოსავლური, მდგრადი, თბილი, გამჭოლი, ბალზამისებრი, დახვეწილი, ხავერდოვანი ნოტებით) და მადაგასკარული ბურბონის ვანილი თბილ, ყოვლისმომცველ ჩახუტებაში ერთიანდებიან. ამბრი (ამბრი: მოლეკულური პარფიუმერული ინგრედიენტი ქარვის მსგავსი, მუშკის, ანიმალისტური და ხის აკორდებით) და თურქული კარამელი კომპოზიციას ოქროსავით მდიდრულ შტრიხებს მატებენ და საიმპერატორო კარზე დაცული ფარული განძის ასოციეციებს აღძრავენ.

საბაზისო ნოტები ღრმა, იდუმალ ბაზას ამჟღავნებენ: არომატის სურნელს, მუშკი და ლიბანური კედარი დამამშვიდებელ სიმყარეს მატებენ; კამბოჯური უდი და ლაოსის თეთრი უდი (უდი/აგარვუდი: ბუნებრივი პარფიუმერული ნედლეული — ორთქლის დისტილაციით დამუშავებული ხის ფისი აღმოსავლური სტილის არომატების მისაღებად, ხის, ანიმალისტური, კვამლის ძლიერი ნოტებით) კი — ეგზოტიკურ სიღრმეს. კომპოზიციას სპირიტუალური აურით აგვირგვინებენ და მარადიული სიყვარულის მისტერიასა და წმინდა ბუნების არსს გამოაღვიძებენ იორდანიული საკმეველი და მირონი.

Tiziana Terenzi-ს Hao სურნელოვანი მოგზაურობაა, რომელიც ლეგენდარული სიყვარულის, კულტურებისა და ორი პიროვნების სულების შემაერთებელი ხიდის მშვენიერებას აღნიშნავს; სუნამო, როგორც ბედისწერის მიერ წინასწარ დადგენილი შეხვედრისა და უსასრულობის საოცრებისადმი მიძღვნილი ოდა!