Not Chosen

Tiziana Terenzi-ს არომატი Gumin, პარფიუმერების — პაოლო და ტიციანას პაპას, სახელად გულიელმოს ეძღვნება — Terenzi-ს არტიზანული სახლის დამფუძნებელსა და მთავარ დასაყრდენს: საოცრებათა მაძიებელი მოგზაურობის მისეულ ფილოსოფიას, Tiziana Terenzi, დღემდე, თაობიდან თაობას გადასცემს.

Gumin („გუმინი“), საიუბილეო კოლექციის (Anniversary Collection) ყველაზე არისტოკრატული, უკვდავი სურნელია, რომლის ყოველი ნოტი გულიელმოს მოგონებებით ფეთქავს: „ბავშვობაში, ჰაერში მისი სურნელის ექო გაისმოდა, მისი გამოჩენა კი, ყოველთვის, სადღესასწაულო დღეებსა და ზეიმის ეიფორიას მოასწავებდა. მის შეხებას სიმშვიდის ძლიერი შეგრძნება ახლდა, ხელს რომ ჩაგვკიდებდა და უსაფრთხოდ მიგვიძღოდა ნამცხვრებითა და ტკბილეულით გაბრწყინებული სამზარეულოს ცეცხლისკენ, ან ტყეში დანთებულ ტკაცუნა კოცონთან… Gumin — ესაა სუნამო, რომელიც ბრწყინვალე სიყვარულზე, ფაქიზ, იმედიან შეგრძნებაზე, მსოფლიოში ყველაზე დიდი დღესასწაულის — სიცოცხლის აღსანიშნავ მხიარულ საღამოზე გვიამბობს; მათთვის, ვინც განმასხვავებელი შტრიხები თავშეკავებული და ამავდროულად, მკაფიო; უნიკალური, თუმცა ელეგანტური; ძლიერი, მაგრამ არა ეგოცენტრული სტილით გამოიმუშავეს“, — აღნიშნავენ პარფიუმერები.

Gumin-ის სურნელი იტალიის ყველაზე მზიან ბაღებში მოკრეფილი ციტრუსების მდიდრული ჰარმონიით იშლება: მანდარინი და ბერგამოტი სიცილიურ ფორთოხლებს ერწყმის და არომატის უკვდავ ელეგანტურობას დახვეწილ სიგრილეს მატებს; სილამაზე ხომ არა მოდიდან, არამედ — უნიკალური სტილიდან მომდინარეობს!

ციტრუსოვან ნოტებს სარჩულად ეგება ამბრის (ამბრი: ამბრი მოლეკულური პარფიუმერული ინგრედიენტი ქარვის მსგავსი, მუშკის, ანიმალისტური და ხის აკორდებით) განუმეორებელი ძალით ძლიერად მფეთქავი გემრიელი ხილი — ანანასი და საყვარელი, ტკბილი ყვავილები, მათ შორის — ჟასმინი, ია და ვარდი.

არომატის სტილისტიკური კონსტრუქცია გრაციოზულად განისვენებს ძვირფასი ხის მერქნების — მუშკის ვერტიკალური სიღრმით ხაზგასმული სანდალისა და თეთრი უდის მძლავრ ბაზაზე (სანდალვუდი: ბუნებრივი პარფიუმერული ნედლეული, რომელიც ხის ფესვების ორთქლზე დისტილაციით მიიღება; ხის, რძისებრი, კრემოვანი, გლუვი, აღმოსავლური, მდგრადი, თბილი, გამჭოლი, ბალზამისებრი, დახვეწილი, ხავერდოვანი ნოტებით. უდი/აგარვუდი: ბუნებრივი პარფიუმერული ნედლეული — ორთქლის დისტილაციით დამუშავებული ხის ფისი აღმოსავლური სტილის არომატების მისაღებად, ხის, ანიმალისტური, კვამლის ძლიერი ნოტებით).

საბოლოო ჯამში, Tiziana Terenzi-ს Gumin, იტალიის ლუქს-პარფიუმერიის ისტორიაში ხშირად გამოყენებული სურნელთა ნაზავის რეინტერპრეტაციაა; არტიზანული ოსტატობითა და ერთმანეთის მიყოლებით, ფრთხილად, დინჯად, ხელით შექმნილი უნიკალური პროდუქტებისადმი სიყვარულით — მათთვის, ვინც საკმარისად მგრძნობიარეა მოცემული არომატებით აღსაფრთოვანებლად.

Tiziana Terenzi-ს ლიმიტირებული საიუბილეო კოლექცია იმ პიროვნებებისთვისაა, რომელთაც, თხევადი ემოციის წვეთების სიმარტივეში სამუდამოდ მოქცეული სილამაზის უკვდავი ფასეულობისა და უკიდურესად დახვეწილი ელეგანტურობის ჭეშმარიტად სელექციური ტენდენცია ახასიათებთ!