Not Chosen

საზღვაო ჟარგონი გემის მშვილდის არეში მდებარე ხვრელს აღნიშნავს, რომელშიც ღუზის სამაგრის ჯაჭვი და მისაბმელი თოკებია გაყრილი. კუბიები ანტიკურ ხანაშიც კი არსებობდა: ძველი რომაელები მათ ლუგერებს — მომცრო ზომის იალქნიან ნავებს უკეთებდნენ, რომლებიც, როგორც ტრანსპორტირებისთვის, ასევე — ადრიატიკის ზღვის ჩრდილოეთის მხარეში სათევზაოდაც გამოიყენებოდა. როდესაც ამ ხვრელების გარშემო წრეებს ხატავდნენ, კუბიები თვალებს ემსგავსებოდა. როგორც წესი, ის „თვალები“, ყოველთვის ნავის მშვილდის მხარეს იყო მიპყრობილი, რადგანაც მიიჩნევდნენ, რომ მათ სწორი მარშრუტების განსაზღვრა და მახეებისა თუ სხვა საფრთხეებისგან დაცვა შეეძლოთ.

კუბიების მოხატვის ტრადიცია, მეზღვაურებში, დღემდე შემორჩა; სიცილიის რეგიონის ქალაქ კატოლიკაში კი, მეზღვაურთა უძველესი ტრადიციების მოსაგონებლად და აღსანიშნავად, „კუბიას თვალები“ ქალაქის ემბლემადაც კი აქციეს.

კუბია — იღბლის მომტანი აპოტროპული სიმბოლოა, რომელიც ბოროტ ძალებს განდევნის და ნავს იცავს, მეზღვაურებს კი — კარგი ბედით და კეთილდღეობით აჯილდოებს. ამ ანტიკური თილისმით შთაგონებული სურნელოვანი ქმნილება — Tiziana Terenzi-ს Cubia-ც, ჯადოსნური ძალასა და იღბალს განასახიერებს. მისი სურნელის დაგემოვნება ბედნიერების მდიდრული შეგრძნებებისკენ მიგვიძღვის, თითქოს, იმ „ზებუნებრივი ხელის“ ფაქიზ ძალებს გამოათავისუფლებს, მუდამ რომ გვიცავს და გვანებივრებს.

არომატის სურნელი ციტრუსოვანი თაიგულით იშლება: სორენტის ლიმონის და კალაბრიული ბერგამოტის გამოძახილებს ბრაზილიური ფორთოხალი იხუტებს. შუშხუნა გამხსნელი ნოტები რომანიული ატმების ტკბილ სურნელსა და მათი საპირისპირო — შავი მოცხარის მძაფრი ნოტების ნაზავში განისვენებენ.

Cubia-ს ტკბილი, მდიდრული კომპოზიცია უიშვიატესი ძვირფასი მერქნების ბაზას ეყრდნობა: ჩრდილოეთ აფრიკის განთქმული ატლასის კედარი გარემოცულია ინდონეზიური პაჩულის მაცდური ძალით და ინდური სანდალის ხის (სანდალვუდი/სანდალის ხე: ბუნებრივი პარფიუმერული ნედლეული, რომელიც ხის ფესვების ორთქლზე დისტილაციით მიიღება; ხის, რძისებრი, კრემოვანი, გლუვი, აღმოსავლური, მდგრადი, თბილი, გამჭოლი, ბალზამისებრი, დახვეწილი, ხავერდოვანი ნოტებით) ნოტებით.