Not Chosen

Tiziana Terenzi-ს პარფიუმის ექსტრაქტი Cielo Blu („ლურჯი ცა“), აღმოსავლური საიდუმლოებებისთვის ფარდის ამხდელი ლეგენდარული მკვლევრის — მარკო პოლოს (ვენეციელი ვაჭარი, მოგზაური, მწერალი) პატივსაცემად, მისი გარდაცვალების 700 წლისთავის აღსანიშნავად შეიქმნა, როგორც ნათელი მოგონება კაცისა, რომელმაც კაცობრიობას ახალი ჰორიზონტები გადაუშალა და თავისი არაორდინალური თავგადასავლებით, შორეული კულტურები შეაკავშირა.

მარკო პოლოს დაუოკებელმა სულისკვეთებამ წარმოაჩინა, რომ სამყარო წიგნია, ის კი, მისი დაუღალავი მკითხველი, ყოველ გვერდს განცვიფრებითა და ცნობისმოყვარეობით, დეტალურად რომ სწავლობს. კაცობრიობა, მარკო პოლოს წინაშე, დღემდე ვალშია: საკუთარი გამოცდილებებით, მილიონობით ცოდნა რომ გაგვიმჟღავნა და რაც ყველაზე მნიშვნელოვანია, ყურადღებიანი დაკვირვების უნარები და მსმენელის დახელოვნებული ოსტატობა შთაგვინერგა.

მარკო პოლოს სწავლებები საძმოს, მრავალფეროვნებისა და კონტრასტული ასპექტების ინკლუზიის ემოციებს აღძრავს და იმ თვისებებს აღნიშნავს, რომლებიც მხოლოდ რჩეულთა სულების ხვედრია — უცხო ადამიანებში თავიანთი ძმა და და ამოიცნონ: ყველანი ხომ Tiziana Terenzi-ს არომატ Cielo Blu-ს წვეთში მოქცეული საერთო ლურჯი ცის — უთვალავი საოცრების დიდსულოვანი შემოქმედის შვილები ვართ!

არომატი Cielo Blu, უძველესი ჩინური ღვთაებებით შთაგონებული უძირო ცის სიმბოლოს — ცისფერი გველეშაპის სულიერებას გამოაღვიძებს და მარადიულობის და უსაზღვრო სიყვარულის ასოციაციებს აღძრავს. მისი სურნელი, ადამიანსა და ქმნილებას შორის ჰარმონიას განასხეულებს და ბუნების ველური და არისტოკრატული სურნელების იდეალურ ბალანსს გვთავაზობს.

Cielo Blu, ენერგიული ილის სპეციებთან ერთად მოცეკვავე, ციტრუსოვენი სიგრილის მფრქვეველი სიცილიური გრეიფრუტის და სორენტოს ლიმონის მზიანი, ნათელი ნოტებით იშლება. ტოსკანური დაფნა და იტალიური როზმარინი, კომპოზიციას, ხმელთაშუა ზღვის სანაპიროს ასოციაციების აღმძვრელ მცენარეულ ნოტს მატებენ.

არომატის გულში, კომოს ტბის ფაქიზად აყვავებულ ლავანდას ყვავილოვანი სიმშვიდე შემოაქვს, Terenzi-ს სურნელოვანი ბიბლიოთეკის ჟანგბადის ნოტს კი — ჰაეროვანი, ზეციური სიგრილე. ტოსკანური აკაცია და ბულგარული ვარდი დელიკატური ჩახუტებით ერთიანდებიან და დახვეწილ თაიგულთან ერთად, სულს აღმოსავლეთის ეგზოტიკური ქვეყნების მოჯადოებულ ბაღებში ამოგზაურებენ.

ღრმა და ძლიერი საბაზისო ნოტები, კომპოზიციას, ჩინური მუხის მტკიცე, ყოვლისმომცველ საყრდენს სთავაზობს; ინდური ამბრეტის ზეთი (გურმანული, მუშკისებრი, მერქნისებრი, ქარვისებრი და პუდროვანი სურნელის მქონე პარფიუმერული ნედლეული ტუხტის და სინთეტიკური ინგრედიენტების თანაექსტრაქციით) — ბალზამისებრ სიტკბოს მატებს, თეთრი მუშკი (იგივე სინთეტიკური მუშკი) კი Cielo Blu-ს სურნელს ნაზი, ხავერდოვანი ჩახუტებით ეკვრის გარს და უძირო ლურჯ ცასთან სულიერ კავშირს ეხმიანება.

Tiziana Terenzi-ს Cielo Blu აღმოჩენებისა და კავშირების შესახებ გვიამბობს და აღმოსავლური და დასავლური კულტურების შეყრას მიაგებს ოდას. მისი ექსტრაქტის ყოველი წვეთი, მარადიული თავგადასავლების სულს მოიცავს, რომელიც მზადაა, საოცრებათა სამყაროს ყველა საიდუმლო გაგვიმხილოს…