Not Chosen

Borea („ბორეა“) მოჯადოებულ ლაბირინთში დაუსრულებელი მოგზაურობაა. ვინც მის სურნელს დააგემოვნებს, იმ ლაბირინთს ვეღარსად გაექცევა და ყვავილების, მუსიკისა და სიყვარულის ქალაქ სანრემოს დაუვიწყარ ასოციაციებში ჩაიძირება!

…

Tiziana Terenzi-ს პარფიუმის ექსტრაქტი Borea („ბორეა“) იტალიის ერთ-ერთ ყველაზე რომანტიკულ ქალაქ სანრემოში მოგზაურობის მოგონებების შთაგონებით შეიქმნა. იქაურობა თვალწარმტაცი ყვავილებით, საოცარი კლიმატით და ტიგულიოს ყურიდან მონაბერი ნაზი ბრიზითაა განთქმული: იმ ყურეში, ცის უსასრულო სილურჯის ქვეშ განმარტოება საოცარი სიხარულის მომგვრელია.

იტალიაში „ყვავილების მშვენიერი ქალაქის“ სახელით ცნობილ სანრემოს ტერასები აკრავს, სადაც ყვავილის ყველა ცნობილი სახეობა ხარობს, მათ შორის — ჟასმინი, მაგნოლია, ხეობის შროშანი, ფრეზია, ვარდის უთვალავი ჯიში და უძვირფასესი, პრაქტიკულად უნიკალური ტუბეროზა. ზღვისპირა ამაღლებული ალპები, ამ ჯადოსნურ ქალაქს, გულში იკრავენ და განსაკუთრებული კლიმატითა და ხელუხლებელი სილამაზით აჯილდოებენ — მთის მწვერვალების და ზღვის უკიდეგანო სივრცეების კონტრასტული პეიზაჟებით.

სანრემო, ასევე, განთქმულია ცნობილი ვილებით; ექსტრავაგანტური, უნიკალური არქიტექტურით და მდიდრული, იშვიათი ყვავილების მძაფრი არომატებით დატბორილი ბაღებით, სადაც სიმეტრიულად გაკრეჭილი ბუჩქის ღობეები მაცდური სურნელებით გაჟღენთილ რომანტიკულ ლაბირინთებს ქმნიან. ერთ-ერთი ყველაზე ლამაზი და მაგიური ვილა ბორეაა — დიდებული, მეფური ნაგებობა უიშვიათესი, ძვირფასი ყვავილებით სავსე ბაღით და საამაყო, მომაჯადოებელი ლაბირინთით. თუ იმ ლაბირინთში შეაბიჯებ, თავგადასავალი დაიწყება: დაუკვირვებელი მოგზაურების დასაბნევად, დახელოვნებული მკვლევარებისთვის კი — გზის საჩვენებლად, ოსტატურად განლაგებული ცეცხლმოკიდებული ხის ფარნებით განათებული ბილიკების მათრობელა სურნელი აღგაფრთოვანებს; ლაბირინთებში აღძრული ემოციები ძლიერ მორევში ჩაგითრევს და ადიქციური არომატებით გამოწვეულ ექსტაზს ვეღარასოდეს დააღწევ თავს.

Borea, სანრემოს ბაღების დამგეგმარებლის ბრწყინვალე გონების მსგავსად, უჩვეულო, ეზოთერული ნოტებით იშლება: ქოქოსის ეგზოტიკურ სიტკბოს, ნუშის ნაზი სიმწარის კონტრასტთან ერთად, მსხლის და გემრიელი ქლიავის კომბინაცია ახლავს. უნიკალური, ინოვაციური გამხსნელი ნოტები, ედემის ბაღის მცენარეების მსგავსი მილიონობით ძვირფასი ყვავილის საწოლზე განისვენებენ.

კომპოზიციის ჭეშმარიტი არსი სწორედ გულის ნოტებში ვლინდება, სადაც ჟასმინის ჰიპნოზური ცდუნების სიტკბო ტუბეროზის სახასიათო, დაუვიწყარი სურვილის აღმძვრელ მომხიბლავობასთან წყვილდება. მათ სურნელს ფრეზიის და მუსკატის ვარდის თაიგულების სტაბილური ძალა გამოკვეთს, ხეობის შროშანის, ორ წელიწადში ერთხელ მოყვავილე შავი მაგნოლიის და თეთრი ზამბახის კონტრაპუნქტში.

მთლიან სურნელოვან ქმნილებას სარჩულად ეგება ძვირფასი მერქნისებრი ესენციების — ინდური სანდალვუდის (სანდალის ხე: ბუნებრივი პარფიუმერული ნედლეული, რომელიც ხის ფესვების ორთქლზე დისტილაციით მიიღება; ხის, რძისებრი, კრემოვანი, გლუვი, აღმოსავლური, მდგრადი, თბილი, გამჭოლი, ბალზამისებრი, დახვეწილი, ხავერდოვანი ნოტებით) და მუხის ხავსის მტკიცე ბაზა. საბაზისო ნოტებს მუშკის ყრუ მდუმარებით გაძლიერებული ვანილის სიტკბო არბილებს.

Borea („ბორეა“) მოჯადოებულ ლაბირინთში დაუსრულებელი მოგზაურობაა. ვინც მის სურნელს დააგემოვნებს, იმ ლაბირინთს ვეღარსად გაექცევა და ყვავილების, მუსიკისა და სიყვარულის ქალაქ სანრემოს დაუვიწყარ ასოციაციებში ჩაიძირება!