Not Chosen

სირაჰი ანდრომედეს თანავარსკვლავედის ძალიან ცნობილი ვარსკვლავია, მეფური ბედისწერით: ის, მალე, წითელი გიგანტების რიგებში ჩაეწერება. ეს ჯადოსნური ციური სხეული ევოლუციას ცეცხლის საკუთარ სპირალებში განიცდის, ნათებას ინარჩუნებს და უწყვეტი მუტაციის მდგომარეობაში იმყოფება.

Tiziana Terenzi-ს ექსტრაქტის — Sirrah-ის შემოქმედებითი ხედვის შთაგონება სწორედ ამ მუდმივად განვითარებად ვარსკვლავზე დაკვირვება და მისი ცეცხლოვანი ხვეულები გახდა: არომატის დამაჯერებელი და ჯადოსნური შტრიხები, გრილი და თბილი ნოტები, ელეგანტური და მგრძნობიარე ხასიათი და მაცდური და მეფური მოქმედება, დაგემოვნებისთანავე, ცვალებადი ემოციების მორევში ჩაგითრევთ.

ამ ქმნილების დახასიათებისას, კლასიკური სურნელოვანი პირამიდა არარელევანტურია, რადგან მისი შემადგენელი მოლეკულები ერთმანეთს დასდევენ, ჩამორჩებიან და შემდეგ — უჩინარდებიან, რათა დამალობანას მუდმივ თამაშში, ახალი სახით მოგვევლინონ.

Sirrah სინუსური და მგრძნობიარე თაიგულით იშლება — უძველესი, იშვიათი ჯიშის ხილის ნოტებით, მათ შორის — კომშით, რომელიც მარაკუიას მკბენარ სურნელთანაა კომბინირებული და დროში შეჩერებული კავშირით ერწყმის ძვირფას სპეციებს — ზაფრანასა და უიშვიათესი მწვანე წიწაკის მარცვლებს.

სახასიათო სპირალისებრი სტრუქტურის დამსახურებით, თაიგული აგრძელებს მერყეობას ოსმანტუსის, დამასკოს ვარდისა და ამბრის (ამბრი: მოლეკულური პარფიუმერული ინგრედიენტი ქარვის მსგავსი, მუშკის, ანიმალისტური და ხის აკორდებით) ნოტებზე, რომელთაც ხაზს უსვამს მადაგასკარული მწვანე ილის დახვეწილი სინუსური არომატი და სიტკბო, ჟანგბადის მოლეკულის (Terenzi-ს სურნელოვანი ბიბლიოთეკის ახლა უკვე ცნობილი, ექსკლუზიური მოლეკულა) მწველ სიგრილესთან ერთად.

მოცემული სურნელების მთლიანობა იძირება იტალიური ტყავის ცვალებადი სიძლიერის ნოტებში და შემდეგ, კვლავაც მათ ზედაპირზე ლივლივებს — სპირალურად რომ გადახლართულან ძვირფასი მერქნების, პაჩულის, სანდალისა (სანდალის ხე: ბუნებრივი პარფიუმერული ნედლეული, რომელიც ხის ფესვების ორთქლზე დისტილაციით მიიღება; ხის, რძისებრი, კრემოვანი, გლუვი, აღმოსავლური, მდგრადი, თბილი, გამჭოლი, ბალზამისებრი, დახვეწილი, ხავერდოვანი ნოტებით) და არყის ხეების ფაქიზ გამოძახილებთან ან — მდუმარებასთან, თეთრი მუშკის (სინთეტიკური მუშკი) გრაციოზული ძალის მოქმედების მიხედვით.

Tiziana Terenzi-ს Sirrah არომატია, რომელიც გაგიტაცებთ და ცდუნებისა და კაშკაშა სიურპრიზების ცეცხლის გრილი ალების სპრიალურ მორევში ჩაგითრევთ, ერთმანეთს მუდმივი ევოლუციის წიაღში რომ დასდევენ.