Not Chosen

Tiziana Terenzi-ს არომატი Orionis, ერთ-ერთი ყველაზე მშვენიერი მოგზაურობაა ორიონის თანავარსკვლავედში, ტერენცების ოჯახის სურნელოვანი ბიბლიოთეკის კვალდაკვალ, უნიკალური, განუმეორებელი აბსოლუტის (აბსოლუტი: პარფიუმერული ნედლეული, რომელიც მიიღება ნახშირწყალბადის ტიპის ექსტრაქტების ან მცენარეული მასალის ცხიმოვანი ექსტრაქტების ალკოჰოლური ექსტრაქციით) შესაქმნელად.

სუნამო ლიმიტირებული გამოშვებისაა, რადგანაც მასში შემავალი ესენციები და უძვირფასესი მოლეკულები ამოწურვადი და შესაბამისად, შეზღუდულია: ეს ინგრედიენტები, ტერენცების საოჯახო ბიბლიოთეკაში, 50-წლიანი მაცერაციის შედეგად მიიღეს, რის გამოც, ზოგიერთი მათგანის გამოყენებას სრულად კრძალავენ; ისინი მხოლოდ, ოფიციალურად რეგისტრირებული კომპანიებისთვისაა ხელმისაწვდომი, რომელთაც კანონიერი მტკიცებულება გააჩნიათ, რომ ტერენცების ოჯახის მსგავსად, მოცემულ ნედლეულზე წვდომა 1968 წლამდეც ჰქონდათ.

ორიონის ცნობილი თანავარსკვლავედის ყველაზე კაშკაშა ვარსკვლავებით შექმნილი არომატის — Orionis-ის შემადგენლობის 40% წმინდა, ბუნებრივი, უიშვიათესი ზეთებია და სითხის კონცენტრაციაც, უკიდურესად მაღალია: ამ სურნელოვანი პირამიდით იწყება მოგზაურობა მხატვრული პარფიუმერიის ახალი საზღვრების მიმართულებით — იქ, სადაც შეზღუდვები და წესები აღარ მოქმედებს და მხოლოდ ორიონის თანავარსკვლავედის განთქმული ვარსკვლავის — ორიონისის სადარი საოცრებისა და სილამაზის შექმნის წყურვილი მეფობს.

Tiziana Terenzi-ს სურნელოვანი ქმნილება აშკარად უჩვეულო კომბინაციით — მოლიზეს (სასოფლო-სამეურნეო რეგიონი ცენტრალური იტალიის სამხრეთით) იშვიათი ჯიშის ზაფრანის და მირამარის (ვალენსია) საკმეველის დუეტით იშლება, რომელიც მყისიერად მიისწრაფის ცეცხლოვანი კომპოზიციის ჭეშმარიტი ფოკუსისა და საოცარი, მძლავრი სურნელების აფეთქებისკენ — არომატის გულისკენ: ტერენცების ბიბლიოთეკაში 50 წლის განმავლობაში საგულგადულოდ დაცული უიშვიათესი და ძალიან ცნობილი მოლეკულა — ძვირფასი, აფროდიზიაკური ამბრი ბრძნულადაა შეზავებული მუშკისა და ინდური წითელი პაჩულის ნოტებთან (ამბრი: მოლეკულური პარფიუმერული ინგრედიენტი ქარვის მსგავსი, მუშკის, ანიმალისტური და ხის აკორდებით).

ჭეშმარიტად მდიდრული იტალიური მხატვრული პარფიუმერიის განსახიერება — Orionis, მყარად ეყრდნობა რაფინირებულ, უიშვიათესი მერქნების ბაზას, სადაც განსაკუთრებულად ჟღერს ტოლუს (კოლუმბიის ქალაქი და მუნიციპალიტეტი) ბალზამის სურნელი.