Not Chosen

Tiziana Terenzi-ს Lyncis მანათობელი, მგრძნობიარე სურნელოვანი ქმნილებაა. მისი ძვირფასი, მოციმციმე აურა ისეთივე მომაჯადოებელია, როგორც არომატის ძვირფასი სამკაულის სადარი ფლაკონი, მასში მოთავსებული სითხის შემადგენელი ნედლი ინგრედიენტების ექსკლუზიურ, უნიკალურ პროექციას რომ გვთავაზობს.

…

ფოცხვერის თანავარსკვლავედში მოგზაურობისას, ყველაზე კაშკაშა ვარსკვლავს — ლინცისს გადაეყრებით — ინტენსიური შეფერილობის მქონე, უკიდურესად მბრწყინავ და იდუმალ ციურ სხეულს. ის, ზოგჯერ, უხილავია, მაგრამ მისი არსებობა მაინც შეიგრძნობა, როგორც Tiziana Terenzi-ს სურნელოვანი ქმნილება — Lyncis ახვევს მომხმარებლებს უხილავად თავისი ჰიპნოზური, მაცდური აურის საბურველში.

ზეთები და ესენციები, ტერენცების ოჯახის ძვირფას, უძველეს სურნელოვან ბიბლიოთეკაში, 50 წელზე მეტია, რაც დავარგებული და საგულდაგულოდ დაცულია: ზოგიერთი მათგანი, დღესდღეობით, ხელმისაწვდომი აღარაა და შესაბამისად, ფასდაუდებელია; ზოგიც — ახალი, ამაღლებული სურნელოვანი ქმნილების ფორმით გვევლინება, როგორც საჩუქარი მხატვრული პარფიუმერიის მოტრფიალეთათვის და მათთვის, ვისაც სურთ, აბსოლუტურად უნიკალურები იყვნენ. უიშვიათესი სილამაზის სურნელოვანი გამოცდილება — არომატი Lyncis, ლიმიტირებულად იწარმოება: მსოფლიოში სულ რამდენიმე ასეული ფლაკონია ხელმისაწვდომი.

არომატის სურნელი გამაგრილებელი და ენერგიის მომნიჭებელი ნოტებით იშლება: სიცილიური მანდარინის და გრეიფრუტის ბლენდში, საყოველთაოდ მოთხოვნადი ნედლეულის — კალაბრიული ბერგამოტის ჟღერადობა იკვეთება. მათ სურნელს ბოლივიური ვარდისფერი წიწაკის მარცვლების ცქრიალა ნოტები უპირისპირდება.

შუშხუნა გამხსნელ ნოტებს გარს ეკვრის მდიდრული, დახვეწილი ყვავილოვანი გული:

ბულგარული ვარდი იხუტებს სამეფო ჟასმინისა და სიცილიური ფორთოხლის ყვავილებს. კომპოზიციის განვითარების შემდეგ ეტაპზე, თითქოს არსაიდან ჩნდება ტოსკანური თეთრი ზამბახის მომაჯადოებლად მაცდური სურნელი, ტერენცების საოჯახო ბიბლიოთეკის საცავებში, 50 წელზე მეტი ხნის განმავლობაში დავარგებულ ძვირფას, აფროდიზიაკურ ამბრთან (ამბრი: მოლეკულური პარფიუმერული ინგრედიენტი ქარვის მსგავსი, მუშკის, ანიმალისტური და ხის აკორდებით) ერთად.

ასეთ მდიდრულ სურნელოვან კომპოზიციას, ბუნებრივია, უკიდურესად მძლავრი ბაზა სჭირდება, რათა მისი გამყარება და გარანტირებული მდგრადობა განაპირობოს, რის გამოც, საბაზისო ნოტები განსაკუთრებული ნედლი ინგრედიენტებითაა შექმნილი: მყისიერად ჟღერს წითელი პაჩულის და ინდური სანდალის ხის (სანდალის ხე: ბუნებრივი პარფიუმერული ნედლეული, რომელიც ხის ფესვების ორთქლზე დისტილაციით მიიღება; ხის, რძისებრი, კრემოვანი, გლუვი, აღმოსავლური, მდგრადი, თბილი, გამჭოლი, ბალზამისებრი, დახვეწილი, ხავერდოვანი ნოტებით) დელიკატური ძალა, რომელსაც დახვეწილობას ანიჭებს ლიბანური კედარის და ტაიტური ვეტივერის ზღვისებრი სიგრილე.

სურნელის ბაზას, განვითარების შემდეგ ეტაპზე, ტოსკანური მუხის ხავსის და ბრაზილიის შტატის, მატუ გროსუს ტონკას მარცვლების ძალა აღარმავებს.

Tiziana Terenzi-ს Lyncis მანათობელი, მგრძნობიარე სურნელოვანი ქმნილებაა. მისი ძვირფასი, მოციმციმე აურა ისეთივე მომაჯადოებელია, როგორც არომატის ძვირფასი სამკაულის სადარი ფლაკონი, მასში მოთავსებული სითხის შემადგენელი ნედლი ინგრედიენტების ექსკლუზიურ, უნიკალურ პროექციას რომ გვთავაზობს.