Not Chosen

Tiziana Terenzi-ს სურნელოვანი ქმნილება — Alioth, იტალიურ პარფიუმერთა სამი თაობის ცოდნას განასახიერებს და უძვირფასესი, უნიკალური ნედლი ბუნებრივი ინგრედიენტებითაა დამზადებული, რომლებიც დღეს ხელმისაწვდომი აღარაა. ეს ექსკლუზიური ფუფუნება მხოლოდ პრივილეგირებულთა ხვედრია — ვისაც შეუძლიათ, აბსოლუტური უნიკალურობა და განუმეორებლობა სრულყოფილად დააფასონ. 

ტიციანას და პაოლოს სტილისტიკური მოკვლევა მხატვრული პარფიუმერიის სფეროში გრძელდება, რათა ალქიმიისა და ემოციების ჰორიზონტები ახალ, უპრეცედენტო თვალსაწიერებზე გააფართოონ. ეს მოგზაურობა დიდი დათვის თანავარსკვლავედისკენ მიგვიძღვის და შლის და აფართოებს ტრადიციულ სურნელოვან პირამიდას, რათა ახალი, ამაღელვებელი სენსორული ვიბრაციები წარმოქმნას. მსვლელობას, ტერენცების სურნელოვან ბიბლიოთეკაში 50 წლის განმავლობაში მაცერირებული მიუწვდომელი ზეთების სურნელების კვალდაკვალ, აღმოჩენები და პაუზები ახლავს — ძვირფას ნედლ ინგრედიენტებთან, მათ შორის — აბსოლუტებთან (აბსოლუტი: პარფიუმერული ნედლეული, რომელიც მიიღება ნახშირწყალბადის ტიპის ექსტრაქტების ან მცენარეული მასალის ცხიმოვანი ექსტრაქტების ალკოჰოლური ექსტრაქციით) ერთად.

დიდი დათვის თანავარსკვლავედის ყველაზე კაშკაშა ვარსკვლავი — ალიოთი, ღამის ცაზე მკვეთრად ციალებს. ეს საოცარი ციური სხეული, ჩვენს მზეზე ოთხჯერ დიდია და უსასრულო კოსმოსში ინტენსიური, მანათობელი შუქით ფეთქავს. სწორედ მისი შთაგონებით შეიქმნა Tiziana Terenzi-ს სუნამო Alioth — პარფიუმერული შედევრი, რომელიც კოლექცია Luna Stars Assoluto Collection-ს („მთვარის ვარსკვლავების აბსოლუტი“) ამდიდრებს.

ინოვაციური კვლევის კვალდაკვალ და ამავდროულად, ყველაზე უძველეს, ძვირფას ტრადიციულ პარფიუმერიაში ფესვგადგმულ მეთოდებზე დაყრდნობით, ტიციანა და პაოლო ტერენცების შემოქმედებითი გენია სილამაზის ცის კაბადონზე ახალ ვარსკვლავს შობს. დღეისათვის მიუწვდომელი და შეუფასებელი, უკიდურესად იშვიათი ნედლეულის ოსტატური შეზავებით შექმნილი ბრწყინვალე ქმნილება, დაგემოვნებისთანავე დამატყვევებელი მოქმედებით ხასიათდება.

კომპოზიცია ტერენცების სურნელოვან ბიბლიოთეკაში ათწლეულების განმავლობაში დაცული იშვიათი ჯიშის სპეციების გრაციოზული მინიშნებებით იხსნება: ძვირფას სარდინიულ ზაფრანას, რომელიც მსოფლიოს ყველაზე გემრიელ ინგრედიენტადაა მიჩნეული, შავი და მწვანე წიწაკის საპირისპირო ნოტების სიგრილე აბალანსებს, ილის ალერსი კი გამხსნელ ნოტებს სიტკბოს მატებს.

მანათობელი, მფეთქავი არომატის გულში, 50 წელზე მეტი ხნის განმავლობაში ოსტატურად დავარგებული ბულგარული ვარდის აბსოლუტი გვხვდება — პლანეტის ყველაზე აფროდიზიაკური ესენცია, რომლის ერთი წვეთის მისაღებად, ამ საოცარი ყვავილის ათასი ფურცლის ექსტრაქტირებაა საჭირო.

ვარდის ნექტარს გარს ეკვრის ილანგ ილანგის მგრძნობიარე რევერბერაციები, როდოსის კვიპრიოლის (კვიპრიოლი/ნაგარმოტა: რიზომებისგან/ფესურასგან შექმნილი პარფიუმერული ნედლეული შიპრის ტიპის არომატების მისაღებად, ხის, მიწის, ტყავის, კვამლის და ქარვის აკორდებით) იდუმალი ძალები კი — ამყარებს. ამ რევერბერაციების კანთან კონტაქტის ხანგრძლივობის მსგავსად, სუნამოს მდიდრული და ემოციული გულიც მარადიული ჩახუტების წიაღში იმყოფება: ძვირფასი ინდური უდი (უდი/აგარის ხე: ბუნებრივი პარფიუმერული ნედლეული — ორთქლის დისტილაციით დამუშავებული ხის ფისი აღმოსავლური სტილის არომატების მისაღებად, ხის, ანიმალისტური, კვამლის ძლიერი ნოტებით) შერწყმულია კამბოჯის ტყეების უდთან, მათ ნოტებს კი მადაგასკარული ვანილი ამაღლებს. საბაზისო ნოტებს ხაზს უსვამს რუხი ამბრი (მოლეკულური პარფიუმერული ინგრედიენტი ქარვის მსგავსი, მუშკის, ანიმალისტური და ხის აკორდებით) და 50 წლის განმავლობაში დავარგებული მუშკი.

Tiziana Terenzi-ს სურნელოვანი ქმნილება — Alioth, იტალიურ პარფიუმერთა სამი თაობის ცოდნას განასახიერებს და უძვირფასესი, უნიკალური ნედლი ბუნებრივი ინგრედიენტებითაა დამზადებული, რომლებიც დღეს ხელმისაწვდომი აღარაა. ეს ექსკლუზიური ფუფუნება მხოლოდ პრივილეგირებულთა ხვედრია — ვისაც შეუძლიათ, აბსოლუტური უნიკალურობა და განუმეორებლობა სრულყოფილად დააფასონ.